Навоий вилояти Оила ва хотин-қизлар бошқармаси матбуот хизматининг маълум қилишича, мазкур ҳолат жорий йилнинг 21 сентябр куни Навоий вилояти Кармана тумани касб-ҳунар мактабида содир бўлган.
“Унда 2 нафар ўқувчи қизлар касб-ҳунар мактабнинг фаоллар залида тадбирга тайёргарлик кўриш жараёнида ўзбек миллатига муносиб бўлмаган, ўзбекона урф-одатларимизга тўғри келмайдиган рақсга тушиб, ушбу ҳаракатларни тасвирга олишган ҳамда ижтимоий тармоқларда тарқатиб юборишган. Ушбу ҳолатлар мутасадди раҳбарлар ҳамда вояга етмаган ўқувчи қизларнинг ота-оналари иштирокида муҳокама қилиниб, уларнинг таълим-тарбиясига оид қатъий чора-тадбирлар белгилаб олинди", - дейилади хабарда.
Қайд этилишича, вояга етмаган ўқувчи қизларнинг ота-оналарига нисбатан МЖтКнинг 41-модда 1-қисмида кўрсатилган ҳуқуқбузарлик содир этилганлиги аниқланиб, белгиланган тартибда жаримага тортилди.