Аввалроқ, ижтимоий тармоқларда Наманганда мактаб ва маҳалла ариғида ҳар куни қонли сув оқаётгани айтилган видео ва фотолар тарқалди.
Ҳолат бўйича Наманган вилояти Фавқулодда вазиятлар бошқармаси матбуот хизмати маълумот берди.
Қайд этилишича, "Янги Наманган" тумани, “Ишонч” МФЙ Ғазина кўчаси бориб ўрганилган.
Натижада, шу кўчада жойлашган кушхонадан чиққан чиқинди сув канализация тармоғидан тошиб кўчадаги ариққа қўйилаётганлиги аниқланган.
Аниқланган холатни бартараф этиш юзасидан ишлар ташкиллаштирилган.