Бош прокуратура ҳузуридаги Департаментнинг Андижон вилояти Избоскан тумани бўлими томонидан "Туронбанк" АТБ Андижон филиалининг мурожаатига асосан ўтказилган терговга қадар текширувда, мазкур филиал бошқарувчиси собиқ ўринбосари И.К. ва тумандаги H. хусусий боғдорчилик хўжалиги раҳбари Х.П.лар замонавий энергия тежамкор иссиқхона қуриш учун ажратилган 50 000 АҚШ доллари имтиёзли кредит маблағи эвазига иссиқхона қурмасдан, расмий ҳужжатларга сохта маълумотлар киритиш орқали талон-торож қилганликлари аниқланди. Текширув давомида етказилган зарарнинг 20 000 АҚШ доллари ундирилиши таъминланган.
Бу ҳақда Бош прокуратураси ҳузуридаги Иқтисодий жиноятларга қарши курашиш департаменти ахборот хизмати хабар берди.
Мазкур ҳолат юзасидан ЖКнинг 167-моддаси (ўзлаштириш ёки растрата йўли билан талон-торож қилиш), 209-моддаси (мансаб сохтакорлиги) ва 228-моддаси (ҳужжатлар, штамплар, муҳрлар, бланкаларни қалбакилаштириш) билан жиноят иши қўзғатилиб, тергов ҳаракатлари ўтказилмоқда.