"Скай" оролида палеонтологлар қанотлари кенглиги 2,5 метргача бўлган птерозаврнинг қолдиқларини топдилар. Қайд этилишича, ҳайвоннинг вазни жуда енгил бўлган — тахминан ўн килограмм. Бу масса суякларнинг ичи бўш, ингичка ва энгил тузилишига боғлиқ.
Топилган птерозавр Dearc sgiathanach деб номланган. У тахминан 170 миллион йил олдин — юра даврида яшаган. Одатда ўша даврдаги птерозаврларнинг қанотлари 1,6 -1,8 метрдан ошмаган.