Пойтахтда йил якунига қадар миллий каршеринг платформаси ишга туширилиши режалаштирилган. Бу ҳақда Стратегик ислоҳотлар агентлиги томонидан ишлаб чиқилган “Тунги иқтисодиётни ривожлантириш тўғрисида”ги президент қарори лойиҳасида қайд этилган.
Пилот лойиҳа пойтахтнинг туристлар энг кўп ташриф буюрадиган Миробод, Юнусобод ва Яккасарой туманларида амалга оширилади.
Платформани яратиш ва уни ишга тушириш вазифаси Тошкент шаҳар ҳокимлиги, Иқтисодиёт ва молия вазирлиги ҳамда Рақамли технологиялар вазирлигига юклатилган.
Шунингдек, пойтахт ҳокимлигига давлат-хусусий шериклик асосида автоматик велошеринг лойиҳасини ишлаб чиқиш ва пилот тарзда йўлга қўйиш вазифаси ҳам топширилди.
Изоҳ