“Ўзтемирйўлйўловчи” АЖ томонидан 2018 йилнинг январь ойидан бошлаб халқаро йўналишларда қатнайдиган йўловчи поездларига чипталарнинг олдиндан харид қилиш муддатига қараб қуйидагича чегирмалар белгиланди.
Унга кўра, йўловчи купе ва махсус вагонлар учун чиптани поезднинг жўнаш кунидан 45-31 кун олдин харид қилса, 45 % чегирмага эга бўлади.
Йўловчи купе ва махсус вагонлар учун чиптани поезднинг жўнаш кунидан 30-6 кун олдин харид қилса, 35 % чегирмага эга бўлади.
Шунингдек, йўловчи пласткарт вагонлар учун чиптани поезднинг жўнаш кунидан 45-31 кун олдин харид қилса, 35 % чегирма унга тақдим этилади.
Пласткарт вагонлар учун чиптани поезднинг жўнаш кунидан 30-6 кун олдин харид қилса, 35 % чегирмага берилади.
Чиптани поезднинг жўнашидан 5 кун олдин ва ундан камроқ вақт харид қилган йўловчига эса 5 % устама қўшилиши белгиланган.
Мазкур чегирмалар ички йўналишлар, шунингдек, гуруҳ бўлиб йўлга чиққан йўловчиларга нисбатан тадбиқ этилмайди.