Бу ҳақда 30 октябрь куни Бош вазир Абдулла Арипов бошчилигида ўтказилган видеоселекторда маълум қилинган, деб хабар қилмоқда Kun.uz.
Ҳокимларнинг ишдан олинишига 2017 йилги пахта мавсумида ушбу вилоятларда ҳосил қўшиб ёзишга йўл қўйилгани сабаб бўлган.
Худди шу сабаб билан Тошкент вилояти прокурори Жамшид Файзиев ҳамда Жиззах вилояти прокурори Азимжон Эргашев лавозимдан озод этилган.
Бундан ташқари, йиғилиш давомида Тошкент вилоятига Ғуломжон Ибрагимов Иномович ҳоким вазифасини бажарувчи этиб тайинлангани маълум қилинган. У ўтган йилнинг декабридан буён Бош вазир ўринбосари эди.
Жиззах политехника институтининг собиқ ректори Эргаш Алибекович Солиев Жиззах вилоятининг янги раҳбари бўлди.