Тошкент вилояти Фавқулодда вазиятлар бошқармасининг навбатчилик қисмига Снежана исмли фуқародан эри йўқолганлиги тўғрисида ариза келиб тушди.
ФВВ матбуот хизмати хабар қилганидек, фуқаро эридан келиб тушган сўнгги қўнғироқдан кейин йўқолганлигини маълум қилган. Йўқолган фуқаро аёлига қўнғироқ қилганида оёғини синдириб олганини ва унга ёрдам кераклигини айтган.
Шу билан бирга у тоғга чиқиш йўналишини бирон ким билан келишмай махсус тоғга чиқиш анжомларисиз ва кўникмаларсиз пиёда кетганлиги аниқланди.
Ҳозирги вақтда тоғ ҳудудида қидирув-қутқарув ишлари давом эттирилмоқда.