Прокурор ўринбосарининг таъкидлашича, ушбу воқега алоқадор барча шахсларга ҳуқуқий баҳо берилади. У шунингдек, жамоатни аввалдан турли хил хулосалар қилмасликка чақирди.
“Ушбу жиноий иш бўйича Ўзбекистон Республикаси Бош прокуратурасининг расмий сайтида маълумот берилди. Айни пайтда тергов ишлари давом этмоқда. Тергов якуни бўйича барча ҳолатлар ва терговга алоқадор барча шахсларга, ҳаракатларга ҳуқуқий баҳо берилади. Бундан ортиқча маълумот беролмайман”, - деди Фатхулла Абдураҳимов.
Тошкент шаҳар ИИББ раҳбарининг ўринбосари Дониёр Тошҳўжаевнинг қўшимча қилишича, жиноий иш 3 ой ичида тугатилиши керак. Зарурий ҳолатларда Жиноят-процессуал кодекси бўйича иш 5 ойга чўзилиши, алоҳида вазият юзага келганда 7 ойгача чўзилиши мумкин.