Ижтимоий тармоқда Тошкент вилояти Ўрта Чирчиқ туманида аёл эри 15 ёшли қизини зўрлаб, ҳомиладор қилганини айтиб, мурожаат билан чиқди.
Аёл берган маълумотга кўра, қизни 2 йилдан бери ўз отаси зўрлаб келган.
"7 сентябрь куни соат 13:00 лар атрофида, ишдан тушликка чиққан пайтимда, қизим телефон қилиб, дадам мени зўрлаяпти, деб айтди. Лекин, мен ишонмадим. Бу вақтда қизим мактабда эди. Уйга бор десам, қизим агар уйга борса дадаси уни ўлдиришини айтди", - деди она.
"13 ёшимдан бери дадам мени зўрлаб келди. Ҳозир ҳомиладорман", - деди жабрланган қиз.
Бош прокуратура Матбуот хизматининг хабарига кўра, мазкур ҳолат юзасидан ЖКнинг тегишли моддаси билан жиноят иши қўзғатилган. Жиноят иши доирасида гумондор шахс процессуал тартибда ушланган. Тергов ҳаракатлари олиб борилмоқда.
"Мазкур иш бўйича ҳақиқатни аниқлашга тўсқинлик қилиш ҳолатларини олдини олиш мақсадида фуқароларнинг шаъни ва қадр-қимматини камситадиган маълумотлар ва бошқа тафсилотлар ошкор қилинмайди", - дейилади хабарда.