1 USD = 10710.63 1 EUR = 12436.11 1 RUB = 149.57
БҲМ = 270 000 сўм МҲЭКМ = 822 000 сўм
1 USD = 10710.63 1 EUR = 12436.11 1 RUB = 149.57
БҲМ = 270 000 сўм МҲЭКМ = 822 000 сўм
Ҳодисалар
25 сентябрь, 08:02 730 0

Наманганлик 21 яшар ҳарбий хизматчи снаряд қолдиқлари портлаши сабаб ҳалок бўлди

Марҳумнинг ота-онаси президентга мурожаат билан чиқди. Бош прокуратура ҳодиса бўйича маълумот берди. 
Наманганлик 21 яшар ҳарбий хизматчи снаряд қолдиқлари портлаши сабаб ҳалок бўлди
Фото: видеодан кадр
Аввалроқ, ижтимоий тармоқларда марҳум ҳарбий хизматчининг ота-онаси президентга мурожаат билан чиқди. Улар портлашга сабаб бўлганларга тегишли чора кўрилишини сўрашган.

"Нима бўлганини бизга очиқ айтсин. Сўрасак, портлаб кетди. Шу, бошқа гаплари йўқ", - дейди марҳумнинг онаси.

Шундан сўнг, Бош прокуратура матбуот котиби ҳодиса бўйича маълумот берди.

Аниқланишича, жорий йилнинг 21 август куни дала ўкув майдонида снаряд қолдиқлари портлаши натижасида Миллий гвардия муддатли ҳарбий хизматчиси 21 ёшли А.Иқболжонов ҳаёт учун хавфли бўлган оғир тан жароҳатлари олиб, вафот этган.

Мазкур ҳолат юзасидан шу куни Чирчиқ ҳарбий прокуратураси томонидан ЖКнинг 297-моддаси (атрофдагилар учун катта хавф манбаи бўлган қурол-яроғ, шунингдек модда ва буюмлар билан муомалада бўлиш қоидаларини бузиш) билан жиноят иши қўзғатилган. 

Ҳозирда тергов ҳаракатлари олиб борилмоқда, прокурор назорати ўрнатилган.
Изоҳлар
Изоҳ қолдириш Мавзу бўйича қизиқарли ва маъноли фикрлар қабул қилинади.
Янгилик қўшиш Муҳокама қилинаётган барча мақолалар