Усмонов Раҳмонбек Жаҳонгирович “Ўзбекистон темир йўллари” АЖ бошқарув раиси ўринбосари – “Тошкент метрополитени” УК бошлиғи этиб тайинланди. Бу ҳақда Транспорт вазирлиги Ахборот хизмати хабар берди.
У ушбу лавозимда 2016 йил октябридан бери пойтахт метрополитенига раҳбарлик қилиб келаётган Ойбек Худойқуловни алмаштирди.
Раҳмонбек Усмонов тайинловга қадар жорий йил январидан бери транспорт вазирининг ўринбосари лавозимида ишлаб келаётганди. У шунингдек, Юнусобод тумани ҳокими ҳам бўлганди.