2020 йилнинг 11 ойи давомида мандарин маҳсулотини Ўзбекистонга импорт қилган 5 та йирик импортчи юридик шахсларнинг улуши – 54,12% ёки 12 885 582,8 кг маҳсулотни ташкил этди.
Монополияга қарши курашиш қўмитаси томонидан мандарин импорти бозори юзасидан ўтказилган ўрганиш натижасига кўра, 2020 йилда йирик импортчилар таркиби деярлик тўлиқ таркибда ўзгарган, фақатгина Самарқанд шаҳрида давлат рўйхатидан ўтган 1 та импортчи ташкилот 2 йил давомида ушбу рейтингда ўз ўрнини нафақат сақлаб қолган балки мустаҳкамлагани аниқланган.
2019 йил давомида мандарин импортида ушбу компаниянинг улуши 9,83 % ёки 2 419 276 кг мандарин маҳсулотини ташкил этган бўлса, 2020 йилнинг 11 ойи якуни билан айнан ушбу ташкилотнинг улуши 11,43 % ёки 2 722 516 кг мандарин маҳсулотини Покистон давлатидан импорт қилган.
Маълумот учун, 2019 йил давомида мандарин маҳсулотини Ўзбекистонга импорт қилган 5 та йирик импортчи юридик шахсларнинг улуши – 42,88% ёки 10 553 800,48 кг маҳсулотни ташкил этган.
Эслатиб ўтамиз, 2020 йилнинг 1 декабрь ҳолатига Ўзбекистонга 11 та хорижий давлатдан қиймати 4,0 млн АҚШ долларига тенг бўлган 23,8 минг тонна мандарин импорт қилинган.