Бугун соат 09.10 ларда Тошкент метрополитени “Чилонзор” йўналишида катта тирбандлик юзага келган.
Шунингдек, “Чилонзор” бекатида “Пахтакор”гача етиб олиш учун поезд кутаётган йўловчилар 20 дақиқадан кўпроқ станцияда туриб қолишган. Сўнг метро хизматчилари уларни “Олмазор” станциясигача борадиган поездга ўтишларини, поезд йўловчиларни “Пахтакор” станциясигача етказишини айтишган.
Метро станциясида хизмат қилаётган ходимлардан бугунги ноқулайлик сабабини сўралганида, улар таъмирлаш ишлари кетаётганини, бирор соатда поездлар яна ўз вақтида ҳаракатланишини айтишган.