Хориждаги ўзбекистонлик талабалар учун ватанга қайтганида коронавирус инфекциясига тест топшириш нархи узоғи 50 минг сўм этиб белгиланди.
Бу ҳақда Республика махсус комиссияси кўплаб мурожаатлардан келиб чиқиб янги қарор чиқарганини маълум қилди.
Унга кўра, Ўзбекистон Республикасига коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича республика махсус комиссиясига бўлган кўплаб мурожаатлардан келиб чиқиб, чегара ўтказиш пунктлари орқали республика ҳудудига кириб келаётган хорижий олий таълим муассасаларида ўқийдиган Ўзбекистон Республикаси фуқаролари бўлган талабалардан коронавирусга тест текширувлари истисно тариқасида 50 000 сўмдан оширмаган ҳолда амалга оширилиши (паспорт ҳамда талабаликни тасдиқловчи ҳужжат бўлган тақдирда) белгиланди.