Вазирлар Маҳкамасининг қарори билан жорий йилнинг 30 ноябридан Гаянэ Умерова Ўзбекистон Республикасининг UNESCO ишлари бўйича Миллий комиссияси Бош котиби этиб тайинланди.
Гаянэ Умерова 2008-2017 йилларда Ўзбекистон тасвирий санъат галереясининг Кўргазмалар ва жамғармалар бўлимида етакчи мутахассис, 2017-2020 йилларда эса Маданият вазирлиги ҳузуридаги Санъат ва маданиятни ривожлантириш жамғармасининг молия бошқаруви бўлими бошлиғи, ижрочи директор ўринбосари сифатида фаолият юритган.
2020 йилдан Ўзбекистон Маданият вазирлиги ҳузуридаги Санъат ва маданиятни ривожлантириш жамғармасининг ижрочи директори лавозимида ишлаб келмоқда.