Самарқандда фуқаро ёнида тахминий жазмани бўлган турмуш ўртоғини ошхона пичоғи билан ўлдиргани ҳақида хабар бергандик.
Ўша куни қўлга олинган қотил ҳодиса бўйича қуйидагиларни маълум қилди:
“Июль ойлари уни ўзгариб қолганини сездим. Тўғри юргин, болаларимиз катта бўляпти, қизимиз вояга етмоқда, дедим. Ҳеч қанақа нотўғри юрганим йўқ, деди. Кейин бир куни, у савдогарлик қиларди, ўзи пул топарди, ўзимиздаги бир бола билан Instagram’да гаплашаяпти. Унга гапирдим. Онасига мурожаат қилдим. Кейин яна уч марта телефонда гаплашаётганида ушлаб олдим. Жанжал, келишмовчилик бошланди.
Савдо мажмуасига келгандан кейин уларни 5 дақиқа қидирдим. Қарасам, Samsung дўконида қўл ушлашиб, кўнгилхушлик қилиб, телефон кўриб юришганакан. Кейин рашк устида қандай уларни олдига кириб борганимни билмайман. Ташқарига чиқдим, қарасам қўлларим қон. Уларни пичоқлаб қўйганимни сездим. Ўлдириб қўйганимни билмадим. Қилган ишимдан пушаймонман. Ўшанда рашк устида ўзимни босолмай қолдим. Қайтанга милиция ходимларига буларни топширворишим керак экан” – деган қотил эр ҳолат ҳақида гапираркан.
Ҳолат бўйича Самарқанд вилояти ИИБ томонидан ваҳшийлик акс этган ушбу видеолавҳаларни тарқатган 3 нафар йигит ҳам қамоққа олинганди.