Ижтимоий тармоқларда Андижон вилояти ҳокимининг тарқалган аудиоёзуви юзасидан Андижон вилояти ҳокимлиги Матбуот хизмати расмий муносабат билдирди.
Маълум қилинишича, ушбу аудиоёзув Андижон вилояти ҳокими Шуҳрат Абдураҳмоновга тегишли эканлиги, аммо ушбу аудиоёзув бундан икки йил муқаддам ёзиб олинганлиги маълум бўлган.
Қайд этилишича, аудиоёзувда вилоят ҳокимининг билдирган фикрида барча ОАВ вакилларига эмас, аксинча айрим нохолис ОАВ ходимларига нисбатан айтилган.
Эслатиб ўтамиз, тарқалган аудиоёзувда ҳоким мажлис ўтказаётганида "шаллақилик" қилган марҳаматлик мурожаатчиларни "15 суткага тиқиб" қўйгани, журналистларнинг "қичиқ савол"ларига тоқати йўқлигини, "нормальний" савол бериш кераклигини айтган.