1 USD = 10670.00 1 EUR = 12507.37 1 RUB = 146.84
БҲМ = 270 000 сўм МҲЭКМ = 822 000 сўм
1 USD = 10670.00 1 EUR = 12507.37 1 RUB = 146.84
БҲМ = 270 000 сўм МҲЭКМ = 822 000 сўм
Ҳодисалар
28 октябрь 2020 г. 836 0

Cobalt ва Nexia ортилган автовознинг ЙТҲга учраши тафсилотлари маълум қилинди — видео

UzAuto Motors автомобиллари ортилган автовоз Урганч шаҳридаги дилерлик марказига кетаётган эди.

Cobalt ва Nexia ортилган автовознинг ЙТҲга учраши тафсилотлари маълум қилинди — видео
Фото: Telegram / Видеодан кадр

Ижтимоий тармоқларда UzAuto Motors АЖ ишлаб чиқарган автомобиллар ортилган автовоз иштирокидаги ЙТҲ видеоси тарқалди.

UzAuto Motors АЖ Матбуот хизматининг UzNews.uz’га маълум қилишича, жорий йилнинг 24 октябрь куни UzAuto Motors томонидан ишлаб чиқарилган автомобиллар ортилган MAN автовози икки ҳайдовчи бошқарувида Урганч шаҳридаги дилерлик марказига олиб кетилаётган эди.

Бухоро вилоятининг Газли шаҳри яқинидаги йўлда автовознинг прицепига КАМАЗ юк машинаси келиб урилади. Тергов вақтида аниқланишича, КАМАЗ ҳайдовчиси ухлаб қолиб, бошқарувни йўқотиши оқибатида иккала транспорт воситалари ва янги енгил автомобилларга жиддий зарар етган.

ЙТҲ оқибатидан ҳеч ким жабр кўрмаган.

Айни пайтда Ромитан тумани ИИБ мутахассислар иштирокида ҳодиса бўйича дастлабки суриштирув ишларини олиб бормоқда.

UzAuto Motors АЖнинг маълум қилишича, зарар етган автомобиллар заводга қайтарилиб, утилизация қилинади.

Изоҳлар
Изоҳ қолдириш Мавзу бўйича қизиқарли ва маъноли фикрлар қабул қилинади.
Янгилик қўшиш Муҳокама қилинаётган барча мақолалар