Давлат хизматлари агентлиги матбуот хизматининг маълум қилишича, жорий йилда туғилган болаларга энг кўп Солиҳа (1601) исми берилган. Ўғил болалар орасида Муҳаммадали (1582) исми энг кўп қўйилган.
Ўтган йилда ҳам ушбу исмлар энг кўп қўйилганди. Муҳаммадали 11 305 марта, Солиҳа эса 12 461 марта қўйилган.
Аввалроқ Ўзбекистонда никоҳланувчиларга қўшфамилияликка рухсат этилгани маълум қилинганди. Масалан, куёв Аҳмедов келин Шуҳратова бўлса, шунда куёв Аҳмедов-Шуҳратов, келин эса Аҳмедова-Шуҳратова бўлиши мумкин.