Жамият

Терговчи, прокурор ва судларга инсоф берсин — Кушербаев вазиятга ойдинлик киритди

Депутат Расул Кушербаев суддаги иштирокини кўпчилик нотўғри тушунганини маълум қилди.

Терговчи, прокурор ва судларга инсоф берсин — Кушербаев вазиятга ойдинлик киритди
Фото:Халқаро пресс-клуб

Олий Мажлис Қонунчилик палатаси депутати Расул Кушербаев кеча бўлиб ўтган «янгийўллик тадбиркор иши» бўйича суддаги иштироки тафсилотлари ҳақида маълум қилди.

 

“Куни кеча жиноят ишлари бўйича Оққўрғон туман судида гувоҳ сифатида чақирилиб, саволларга жавоб берганим ҳақидаги ахборотларни айримлар депутатни жавобгар сифатида сўроққа тутишдек тушинибди. Бироқ бундаймас, мен бирор нарсада айбланиб, судланмаяпман.

 

Аслида судга гувоҳ сифатида чақиртирилган ҳар қандай шахс мансаб ва мавқеидан қатъий назар бориб иштирок этиши шарт. Керак бўлса депутат, вазир ва давлат раҳбарининг ҳам судга гувоҳ сифатида чақирилиши демократик жамият учун нормал ҳолат ҳисобланади. Бизда бунақа ҳол кам бўлиши мумкин. Бироқ адолат учун зарур бўлса ҳар қандай шахс ўзини “осмонга олмасдан” судга чақирилганда бориши керак. 

 

Шу сабабли ўзим туғилиб ўсган қишлоғимда фаолият юритаётган тадбиркорларнинг жиноят ишида мен билан боғлиқ турли кўрсатмалар олишга уринишлар бўлгани айтилгани учун вазиятга ойдинлик киритиш нуқтаи назаридан суднинг чақиришини табиий қабул қилдим ва бордим. Бу аслида депутатнинг сайловчилари олдидаги бурчи ҳам ҳисобланади. 

 

Кеча судланувчи ёш тадбиркор Ж.Зокиржоновнинг суд залидан озод қилиниб, жазоси енгиллатилиб оиласи бағрига қайтганини эшитиб қувондим. Ёш тадбиркорнинг оиласи, маҳалла аҳли ва дўстларининг қувончини кўриб, ўзим ҳам кўп ойлардан буён чўзилиб келган тушунарсиз ва мен учун оғир кунларнинг якун топаётганидан ҳурсандман. Тўғриси қийин бўлди: тадбиркор бошига тушган иш менинг фаолиятим билан боғлиқ, деган гап чиққани унинг оиласи ва қишлоқдошларим олдида бошимни эгиб қўйганди. Умид қиламанки ҳаммаси ортда қолди ва бошқа бундай бўлмайди...

 

Бироқ шу ўринда ҳақли савол туғилади: агар шахснинг қилмиши давлат ёки жамиятга хавф туғдириш, одам ўлдириш каби оғир жиноятлар билан боғлиқ бўлмаса, оиласи ва яқинларини рухий азобга қўйиб буни етти саккиз ойлаб чўзиб юриш тўғрими? Хавфи катта бўлмаган ишлар бўйича тергов ва судларни қисқа вақтда ўтказиб, оқни оқ қорани қора, деб ҳукм чиқаришга ўтиш вақти келмадимикан? 

 

Бўлиб ўтган ушбу тергов ва суд иши мисолида бу савол мени кўп ўйлантирди. Агар саволимни тушунган бўлсалар терговчи, прокурор ва судларга инсоф берсин! Тушунмаганларга эса ҳаммаси жойида, сизга тегишлимас" деб ёзади депутат ўз хабарида.

Covid-19 Ўзбекистонда
Юқтирганлар64010(+98)
Соғайганлар61068(+0)
Вафот этганлар534(+0)
Covid-19 Ўзбекистонда
Юқтирганлар64010(+98)
Соғайганлар61068(+0)
Вафот этганлар534(+0)
изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ