Бугун, 25 август куни Тошкент шаҳрининг Бектемир, Сергели ва Яшнобод туманларига ҳокимларни тайинлашга бағишланган Халқ депутатлари туман Кенгашларининг йиғилиши бўлиб ўтди.
Кенгаш қарорлари билан Тошкент шаҳри Сергели туманига Шукуров Элбек Ҳабибуллаевич ҳоким этиб тайинланди.
Элбек Шукуров 1988 йилда Тошкент шаҳрида туғилган. 2009 йилда Тошкент давлат аграр университетини тамомлаган.
2018-2020 йилларда Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари, 2020 йилдан ҳозирги вақтгача Ўзбекистон Республикаси Жисмоний тарбия ва спорт вазирининг ўринбосари сифатида ишлаган.
Унгача ушбу лавозимни эгаллаб келган Баҳтиёр Абдувоҳидович Шомуродов лавозимидан озод қилинганди.