Ўзбекистон январь-июль ойларида хориждан 539,6 млн долларга тенг автомобилларнинг эҳтиёт қисмларини импорт қилган.
Шунингдек, Давлат статистика қўмитасининг маълум қилишича, ўзбекистонликлар жорий йилнинг январь-июль ойларида хориждан автомобиллар, асосан йўловчиларни ташиш учун мўлжалланган автоуловлар (10 ва ундан ортиқ кишини ташишга мўлжалланган транспорт воситаларидан ташқари) учун 312,3 млн доллар сарфлаган. Саноат учун махсус бўлмаган машиналар ва уларнинг деталларига эса 909,6 млн доллар сарфланган.
Аниқ соҳалар учун махсус мўлжалланган машиналарга 1 млрд доллар, электр алоқаси, овозни ёзиш ва эшиттириш аппаратуралари ва ускуналарига 303,6 млн доллар ҳамда электр машиналари, аппаратлар, асбоблар ва уларнинг эҳтиёт қисмлари 365,1 млн доллар миқдоридаги маблағ харажат қилинган.
Эслатиб ўтамиз, жорий йил 21 август куни президент автомобиль саноатида импорт қилинаётган 1 минг 712 турдаги бутловчи қисмларни маҳаллийлаштириш орқали валюта харажатларини камида 150 миллион долларга камайтириш мумкинлигини айтганди.