Россия Федерацияси Федерал хавфсизлик хизматининг чегара хизмати маълумотларига кўра, 2020 йилнинг ўтган даврида Россияга 6 миллиондан ортиқ киши ташриф буюрган.
Бу ўтган йилнинг шу даврига нисбатан 60 фоизга камдир. Жорий йилнинг иккинчи чорагида саёҳат мақсадида Россияга бирон бир чет эл фуқароси келмаган.
Россияга асосан қуйидаги мамлакатлардан фуқаролар кириб келган:
Украина – 1,7 миллион;
Қозоғистон – 885 минг;
Ўзбекистон – 620 минг;
Тожикистон – 373 минг;
Озарбайжон – 233 минг.
Шунингдек, Қирғизистон, Финляндия, Aрманистон, Aбхазия ва Хитой дастлабки ўнликка кирган.
Эслатиб ўтамиз, аввалроқ жорий йилнинг январь-июнь ойлари давомида 122 805 нафар фуқаро Россиядан – меҳнат миграциясидан қайтиб келгани маълум қилинган эди.