Ўзбекистон Республикаси Президенти Шавкат Мирзиёев Ливан Республикаси пойтахти Байрут бандаргоҳида юз берган кучли портлаш оқибатида кўплаб инсонлар қурбон бўлгани ва жароҳатлангани муносабати билан мамлакат Президенти Мишель Аунга ҳамдардлик билдирди.
Шавкат Мирзиёев Ливан халқига, марҳумларнинг оила аъзолари ва яқинларига чуқур таъзия билдирди.
Эслатиб ўтамиз, кеча 4 август куни Байрутда юз берган кучли портлаш оқибатида камида 78 нафар қурбон бўлган, 4 минг нафар одам жароҳат олгани, қурбонлар сони ортиб бораётган ҳақида хабар берган эдик.