Унинг айтишича, COVID-19 инфекциясини юқтириб, касалликни енгил шаклда ўтказаётган беморларга уйда даволанишга рухсат берилганидан кейин койкаларнинг маълум қисми бўшаган ва бемор қабул қилиш имконияти ошган.
«Ҳозирги кунда Тошкент шаҳрида койка билан боғлиқ муаммо йўқ. Бу тизимни вилоятларда ҳам оммалаштириш ишлари олиб борилмоқда.
2-3 ҳафта олдин халқни огоҳ бўлиш учун даъват этган бўлсак, ҳозир ўзимиз уларга ваҳимага ўрин йўқлигини айтмоқчимиз. Ҳозир вазият жиловланган, шифокорларимиз тайёр, керакли асбоб-ускуналар шай ҳолатга келтирилган. Захиралар ва койка ўринлари ҳам етарли», деган Ҳабибулло Оқилов.