Контрабандага қарши курашиш ва божхона аудити бош бошқармаси ходимлари томонидан ўтказилган тезкор тадбирда дори воситаларининг ноқонуний айланмасига доир ҳолат аниқланди. Бу ҳақда ДБҚ матбуот хизмати хабар бермоқда.
Тошкент шаҳрининг Яшнобод туманида фуқаро И.Д. бошқарувидаги Lada Vesta автомобили тўхтатилиб, белгиланган тартибда кўздан кечирилди.
Натижада, машинага хорижда ишлаб чиқарилган, аммо сифатини ва божхона расмийлаштирувини тасдиқловчи ҳужжати бўлмаган 1200 дона Minoxodil номли дори воситалари ортилгани маълум бўлган.
Шу тариқа, соч ўстириш учун мўлжалланган мазкур дори воситалари 144 миллион сўмга сотилаётган вақтида тўхтатиб қолинган.
Ҳозирда мазкур ҳолат юзасидан суриштирув ҳаракатлари олиб борилмоқда.