Жамият

Бу ҳафтада Ўзбекистонда ёмғир ёғиши кутилмоқда

Синоптиклар республикада ушбу ҳафта давомида кутилаётган об-ҳаво ҳақида маълумот берди.

Бу ҳафтада Ўзбекистонда ёмғир ёғиши кутилмоқда
Фото:Марат Наджибаев / UzNews.uz

Ўзгидромет хабарига кўра, 27 июлдан 29 июлга қадар республикада об-ҳавонинг ўртача иссиқ ва мамлакат ҳудудининг катта қисмида қуруқ бўлиши кутилмоқда.

 

Фақат тоғли ва тоғолди ҳудудларда ва 28 июль куни Фарғона водийсининг текислик ҳудудида айрим жойларда қисқа муддатли ёмғир ёғиши, момақалдироқ бўлиши мумкин.

 

Кундузги ҳаво ҳарорати +35…+38 даража бўлади, айрим жойларда — +40 даражагача етади.

 

30 июль куни Волгабўйи ҳамда Ўзбекистоннинг шимоли-ғарбий ҳудудлари устида баландликдаги циклон шаклланиши кутилмоқда, у 31 июль куни ва августнинг биринчи кунларида бутун республика ҳудудидаги об-ҳавонинг шаклланишига таъсир қилади.

 

31 июлда республиканинг барча вилоятларида айрим жойларга, 1-2 август кунлари тоғли ва тоғолди туманларга қисқа муддатли ёмғир ёғиб, момақалдироқ бўлиши мумкин. Кундузги ҳарорат +33…+36 даражагача пасаяди.

 

Баъзи кунларда республика бўйича айрим жойларда шамолнинг тезлиги секундига 15-20 метргача кучайиши мумкин.

изоҳлар
Мавзу бўйича қизиқарли ва маъноли фикрлар қабул қилинади.
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ