Соғлиқни сақлаш вазирлиги берган маълумотларга кўра, 2020 йил 26 июль соат 17:00 ҳолатига Ўзбекистонда коронавирус инфекцияси қайд этилганлар сони 20 391 (+165) нафарни ташкил этмоқда.
Янги касалланиш ҳолатларининг 126 нафари Тошкент шаҳрида, 25 нафари Сурхондарё вилоятида ҳамда 14 нафари Тошкент вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Эътиборли жиҳати, бугун айни пайтга қадар Тошкент вилоятида 67 нафари, Сурхондарё вилоятида 44 нафар, Андижон вилоятида 38 нафар, Тошкент шаҳрида 13 нафар ҳамда Фарғона вилоятида 11 нафар, жами 173 нафар бемор тузалди.
Шундай қилиб юртимизда 11 004 (+173) нафар коронавирус инфекциясига чалинган фуқаролар (54 фоиз) соғайган.
Ҳозирда мамлакатимизда 9 273 нафар беморга шифокорларимиз томонидан белгиланган стандартлар бўйича даво чоралари кўрилмоқда.
Соғлиқни сақлаш вазирлиги бироз аввал коронавирусга чалинган бекободлик ва пойтахтлик беморларнинг ўткир респиратор дистресс синдром, ўткир нафас етишмовчилигидан вафот этганини тасдиқлаган эди.