Давлат тест маркази тест синовлари учун тўловни белгиланган муддатда амалга оширмаган абитуриентлар рўйхатдан ўтмаган ҳисобланади ва тест синовларида иштирок эта олмаслигини, шу боис ҳозирда онлайн рўйхатдан ўтган, лекин тўловни амалга оширишга улгурмаган абитуриентлар мавжуд бўлиб, улар 21 июл куни соат 23:59 қадар тўловни амалга оширишлари мумкинлигини маълум қилди.
Эслатиб ўтамиз, 2020 йил 20 июл куни 2020-2021-ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш якунланди.
Бу йил рўйхатдан ўтган жами абитуриентлар сони 1 484 085 нафарни ташкил этди.