2020 йил 16 июль соат 10:00 ҳолатига кўра, Ўзбекистонда коронавирус инфекцияси қайд этилган кишилар сони 14787 (+206) нафарни ташкил этмоқда.
Касалланган фуқароларнинг 53 нафари карантин марказларида бўлган, 101 нафари Тошкентда тана ҳарорати кўтарилганлиги туфайли профилактика мақсадида ва беморлар билан мулоқотда бўлганлиги сабабли намуна олинган фуқаролар орасида аниқланган.
Яна 35 нафар фуқаро Сурхондарё вилоятида, қолган 17 нафар киши Қорақалпоғистонда коронавирус билан касалланган беморлар билан мулоқотда бўлганлиги сабабли намуна олинган фуқаролар орасида аниқланган.
Ҳозирда мамлакатда коронавирус инфекцияси билан касалланган 8655 нафар фуқаро соғайган. 6060 нафар бемор даволанмоқда. Уларнинг 60 нафари оғир, 7 нафари эса ўта оғир аҳволда.
Бундан олдин, Тошкент шаҳрининг Юнусобод туманида коронавирус инфекцияси билан касалланган 55 ёшли фуқаро вафот этгани ҳақида хабар берилган эди.