13 июнь куни Наманган шаҳри «Янги Замин» маҳалласида 44 ёшли У.Х. 36 ёшли аёли билан жанжаллашиб, уни болта билан уриб ўлдирган. Бу ҳақда Бош прокуратуранинг жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов хабар бермоқда.
Шундан сўнг, эркак болта билан вояга етмаган фарзандларини урган: 10 ёшли М.А., 8 ёшли М.А. ҳамда 4 ойлик И.А.
Ҳодиса оқибатида 4 ойлик чақалоқ воқеа жойида вафот этган. Қолган икки нафар қиз эса эса тан жароҳати олиб, қўшниси А.Д.нинг уйига қочиб чиқишга улгурган.
Содир бўлган воқеалардан сўнг, У.Х. уйининг ошхонасида ўзини ёқиб юбориб, ҳодиса жойида вафот этган.
Мазкур ҳолат юзасидан шу куни вилоят прокуратураси томонидан У.Х.га нисбатан ЎзР ЖКнинг 97-моддаси «а» банди билан жиноят иши қўзғатилган.