Давлат раҳбарлари «Чашма» чегараолди ҳудудида рўй берган ҳодисани кўриб чиқиб, бундай вазият такрорланмаслиги учун мукаммал чоралар қабул қилиш муҳим эканини таъкидладилар, деб хабар бермоқда Ўзбекистон президентининг матбуот хизмати.
Ҳукумат делегациялари ўтказган музокараларнинг самарали натижалари мамнуният билан қайд этилди.
Икки томонлама муносабатларга оид мавжуд масалаларни тартибга солиш ҳамда амалий ҳамкорликни, аввало, савдо-иқтисодий, инвестициявий ва транспорт-коммуникация соҳаларида янги ўсиш нуқталарини аниқлашга қаратилган саъй-ҳаракатларни фаоллаштириш юзасидан келишиб олинди.
Шу муносабат билан Ўзбекистон ва Қирғизистон ҳукуматлараро қўшма комиссияси ҳамда чегарадош вилоятлар маъмуриятлари раҳбарлари кенгашининг навбатдаги мажлисларини ўтказиш таклифи қўллаб-қувватланди.