Қарши шаҳрида 15 май куни соат 14:30да олдин судланган 46 ёшли Ш.А. уйига бориб, 80 ёшли отаси Ж.А. билан аввалдан бўлган ўзаро келишмовчилик туфайли жанжаллашган. Бу ҳақда Postda.uz нашри хабар бермоқда.
Маълум бўлишича, Ш.А. отаси ва ўзининг устига бензин сепган ҳамда темир занжир билан ўзининг оёғини иситиш қувурига боғлаб, ёқиб юборган. Натижада улар куйиш тан жароҳатлари билан вафот этган.
Мазкур ҳолат юзасидан Қарши шаҳар прокуратураси томонидан жиноят иши қўзғатилиб, дастлабки тергов ҳаракатлари олиб борилмоқда.