Унга кўра, 1 грамм тиллонинг бугунги кундаги ўртача нархи 250 000 сўм эканини эътиборга олиб, закот нисоби 85 грамм тиллодан 21 250 000 сўм деб белгиланди. Мазкур қийматнинг 1/40 - яъни закот учун чиқариладиган қисми 531 250 сўмга тенг бўлади. Бу ҳақда АОКАда ўтказилган брифингда мусулмонлар идораси раисининг биринчи ўринбосари Ҳомиджон Ишматбеков айтган.
“Зарурий эҳтиёжидан ташқари бир йил давомида 21 250 000 сўмдан ортиқ маблағга эга бўлган мусулмон киши, жами маблағининг қирқдан бирини закот сифатида камбағал ва фақирларга бериши фарздир“, — дейилади хабарда.