Ўзбекистон Бош прокуратурасининг хабарига кўра, ҳодиса 2 январь куни кундузи содир бўлган.
Тошлоқ туманида истиқомат қилувчи Н.Ю. бошига 2019 йилда фойдаланишга топширилган Booster Max аттракционининг темир бўлаги тушиб кетиши оқибатида вафот этган.
Аёл олинган тан жароҳатлари билан РШТЁИМ Фарғона вилояти филиалига олиб борилган, аммо, шифокорлар ёрдамига қарамай, касалхонада вафот этган.
Суд-тиббий экспертиза натижаларига кўра, ўлимга бош мия очиқ жароҳатланиши сабаб бўлган.
Мазкур ҳолат юзасидан Фарғона вилояти прокуратураси терговга қадар текшириш ишларини олиб бормоқда.