ЎзА хабарига кўра, Тошкент шаҳридаги Мирзо-Улуғбек туманида жойлашган собиқ бош прокурор Рашид Қодировга тегишли турар-жой биноси жиноят ишлари бўйича судларнинг ижро ҳужжатига асосан сотувга қўйилган.
Нархни ошириб бориш тамойили бўйича аукционга қўйилган мазкур мулкнинг очиқ аукцион савдосига қўйилган бошланғич баҳоси 10 007 940 000 сўм. Турар-жой биноси 10та хонадан иборат.
Жиноят ишлари бўйича Яшнобод туман суди қарорига кўра, Яшнобод МИБ бўлими томонидан E-ijro auksion очиқ аукционига қўйилган мазкур турар-жой биноси айрим маълумотларга кўра, собиқ бош прокурор Рашид Қодировга тегишли бўлиб, унинг турмуш ўртоғи номида бўлган.