Жамият

Тошкент аэропортида бир эркак қуйма тиллаларни оғзига солиб олиб ўтмоқчи бўлди

Фуқародан олиб қўйилган 2 дона қуйма тилла бўлакларининг умумий қиймати 70 миллион сўмдан ортиқни ташкил этди.

Тошкент аэропортида бир эркак қуйма тиллаларни оғзига солиб олиб ўтмоқчи бўлди
Фото:customs.uz

Куни кеча “Тошкент” халқаро аэропорти божхоначилари томонидан хорижга учиб кетиш мақсадида “яшил” йўлак орқали ҳаракатланган фуқаро М.А.нинг хатти-ҳаракатларидан шубҳаланиб, уни тезкор кузатувга олишган. Бу ҳақида Давлат божхона қўмитасининг матбуот хизмати маълум қилмоқда.

 

Шундан сўнг ушбу фуқаро замонавий сканер қурилмаси ёрдамида холислар иштирокида текширувдан ўтказилганда унинг қинғир режаси фош бўлган.

Текшириш натижасида аниқланишича, ушбу шахс ўз оғиз бўшлиғига умумий вазни 213 граммни ташкил этувчи 2 дона қуйма тилла бўлакларини солиб, хорижга учиб кетишни режалаштирган. Олтинларнинг умумий қиймати 70 миллион сўмдан ортиқни ташкил этди.

 

Қуйма тилла бўлаклари ашёвий далил сифатида олингани хабар қилинмоқда.

 

Ҳозирда ҳолат юзасидан божхона органлари томонидан суриштирув ҳаракатлари давом эттирилмоқда.

фикрлар
Мавзу бўйича қизиқарли ва маъноли фикрлар қабул қилинади.
АСОСИЙ ЯНГИЛИКЛАР БИЗ БИЛАН БЎЛИШИНГ
АСОСИЙ ЯНГИЛИКЛАР
АСОСИЙ ЯНГИЛИКЛАР
ОММАВИЙ
ДОЛЗАРБ
ҚИЗИҚАРЛИ