15 сентябрь куни соат 13:30 атрофида Тошкентнинг Абай ва Навоий кўчалари кесишган чорраҳада икки автомобиль иштирокида даҳшатли йўл-транспорт ҳодисаси юз берди, дея хабар бермоқда Тошкент шаҳар ИИББ матбуот хизмати.
Дастлабки маълумотларга кўра, Навоий кўчаси бўйлаб ҳаракатланиб келаётган Nexia-2 машинаси ҳайдовчиси чорраҳада чапга бурилиб, асосий йўл бўйлаб ҳаракатланаётган Nexia-3 автомобилига йўл бермаган. Оқибатда Nexia-3 автомобили Nexia-2 га келиб урилган.
Nexia-2 нинг олд ўриндиғида ўтирган 1979 йилда туғилган Д.Х. олган тан жароҳатлари оқибатида ҳодиса жойида вафот этган.
Худди шу автомобилда бўлган яна икки йўловчи — орқа ўриндиқда уч ёшли боласи билан бирга ўтирган аёл тан жароҳатлари билан касалхонага ётқизилган.