Жамият

Урганчда уйлари бузилган норози аҳоли бош кўтарди

Бош вазир Арипов Президент кўрсатмасига биноан Хоразмга учиб кетди. Аҳолига компенсация пули тўланмоқда.

Урганчда уйлари бузилган норози аҳоли бош кўтарди
Фото:Facebook

Президент Шавкат Мирзиёев ҳукумат раҳбарига Хоразм вилоятига бориб, юзага келган муаммоларни ҳал этиш учун «Ашҳобод» маҳалласи аҳолиси билан мулоқот қилишга кўрсатма берди, деб хабар бермоқда UzNews.uz мухбири.

 

Мавжуд маълумотларга кўра, Абдулла Арипов маҳаллий аҳоли билан учрашиб, муаммоларни муҳокама қилган. Барча фуқароларга тегишли компенсация пулини нақд кўринишда тўлашган.

Фото: t.me/kurbanoffnet

Фото: Хоразм вилояти ҳокимияти

 

Хоразм вилояти ҳокимиятининг хабар беришича, Урганч шаҳридаги «Ашҳобод» маҳалласида яшовчи аҳолига Урганч тумани Чондирқиёт қишлоғидан ер ўрни ажратиб берилган, аммо, хонадон эгаларининг баъзиларига компенсация пули тўланмаган.

Фото: fb.com/hokimermanov

 

Урганч тумани Чондирқиёт қишлоғида одамлар норозилиги сабаб соат тахминан 21:00да Урганч – Хонқа йўлининг қатнов қисмини тўсишгани ва шу сабаб бир неча соат давомида катта қатнов йўлидан автомобиллар ҳаракати тўхтаб қолган. Бундан хабар топган вилоят ҳокими Фарход Эрманов воқеа жойига зудлик билан етиб бориб норози аҳоли билан мулоқотга қилган. Ҳоким ишчи гуруҳини тузиб, аҳоли вакиллари билан музокара ўтказиб, муаммоларнинг ечимини топишга ваъда берганидан сўнг одамлар тарқала бошлаган.

Фото: fb.com/hokimermanov

фикрлар
Мавзу бўйича қизиқарли ва маъноли фикрлар қабул қилинади.
ЎХШАШ МАҚОЛАЛАР
ДОЛЗАРБ
ОММАВИЙ
ҚИЗИҚАРЛИ
АСОСИЙ ЯНГИЛИКЛАР БИЗ БИЛАН БЎЛИШИНГ
АСОСИЙ ЯНГИЛИКЛАР
АСОСИЙ ЯНГИЛИКЛАР
ОММАВИЙ
ДОЛЗАРБ
ҚИЗИҚАРЛИ