Жорий йилнинг 8 июль куни тахминан соат 14:05да Қашқадарё вилоятининг Чироқчи туманида яшаган 25 ёшли Ш.Қ. «Nexia» русумли автомашинани «Еттитом-Қарши» йўлида ҳайдаб кетаётиб, қарама-қарши йўналишдан ҳаракатланиб келаётган 34 ёшли Ш.Л. бошқарувидаги «Nexia» русумли автомашина билан тўқнашув содир этган, дейилади ИИВнинг хабарида.
Натижада «Nexia» автомашинаси ҳайдовчиси Ш.Қ. жароҳат олиб воқеа жойида ва Ш.Л. бошқарувидаги «Nexia» автомашинаси йўловчиси 48 ёшли М.Б. касалхонада вафот этганлар. Шунингдек, ҳайдовчи Ш.Л. ва унинг яна бир йўловчиси 25 ёшли О.Б. исмли аёл жароҳат олиб касалхонага ётқизилганлар.
Ҳолат юзасидан жиноят иши қўзғатилиб, тергов ҳаракатлари олиб борилмоқда.