“Ғишт-кўприк автойўл” назорат ўтказиш пунктида ДХХ ЧҚ ҳарбий хизматчилари мамлакатдан ноқонуний равишда олиб чиқиб кетилаётган катта миқдордаги хорижий валютани тўхтатиб қолишди, деб хабар бермоқда ЎзА.
29 май куни “Олмаота-Тошкент-Олмаота” йўналиши бўйича ҳаракатланаётган “VAN HOOL” маркали йўловчи автобуси кўздан кечирилганида, унинг ичида 43 190 000 қозоқ тенгеси борлиги аниқланган.
Пуллар автобус ҳайдовчиси Э.Д.га тегишли бўлиб, фуқаро пулларни Ўзбекистондан ноқонуний равишда олиб чиқиб кетмоқчи бўлган.
Мазкур ҳолат юзасидан Ўзбекистон Республикаси қонунлари доирасида тегишли чоралар кўрилди.