Москва областидаги «Внуково» аэропортида самолёт багажидаги бомба ҳақида аноним қўнғироқ туфайли AZUR air авиакомпаниясининг иккита рейси кечиктирилди - Мексикадаги курорт шаҳар Канкун ва Ўзбекистон пойтахти Тошкентга рейслар кечиктирилган.
«Комсомольская правда» нашри хабарига кўра, сешанба, 30 апрелга ўтар тунда номаълум шахс аэропортга қўнғироқ қилган ва самолёт багажида портловчи қурилма яширилгани ҳақида хабар берган. Энди барча юклар қайта текширилмоқда, мутахассислар портловчи моддаларни қидиришяпти, дейилади хабарда.