Ҳодисалар

Тошкентда вояга етмаган фуқаро эркакни ўлдириб, танасини қудуққа ташлаб юборди

Яшнобод тумани, С.Машҳадий кўчаси, 12-уй ҳовлисидаги қудуқ ичидан фуқаронинг мурдаси қотиллик аломатлари билан топилган.

Тошкентда вояга етмаган фуқаро эркакни ўлдириб, танасини қудуққа ташлаб юборди
Фото:UzNews.uz

Бош прокуратура хабарига кўра, 11 апрель куни Тошкент шаҳар ИИББга келиб тушган хабарга кўра, Яшнобод туманида фуқаро А.Х.нинг мурдаси қотиллик аломатлари билан топилган.

 

Мазкур ҳолат юзасидан олиб борилган тезкор-қидирув ҳаракатлари давомида, ушбу хонадон аслида фуқаро А.И.га тегишли бўлиб, у ерда ҳеч ким яшамаслиги, балки тахминан 2018 йилнинг январь ойидан ушбу хонадонда тадбиркорлик мақсадида балиқ кўпайтирилиши, бу ерда марҳум А.Х. ва вояга етмаган фуқаро К.Ш. норасмий равишда ишлаб келишганлиги маълум бўлган.

 

10 апрель куни ҳовлида ҳеч ким бўлмаган пайтда, ўрталарида келиб чиққан жанжал оқибатида, К.Ш. қасддан ўлдириш мақсадида, шу ерда бўлган болға билан А.Х.нинг бош қисмига бир неча маротаба уриб, ўлдирганлиги, сўнгра жиноий изларини яшириш учун мурдани ҳовлидаги қудуқ ичига ташлаб юбориб, воқеа жойидан яширинганлиги аниқланган.

 

Судга оид тиббий экспертизасининг 11.04.2019 йилдаги дастлабки хулосасига кўра, А.Х.нинг ўлими 1 сутка аввал олинган оғир тан жароҳатлари натижасида юзага келганлиги аниқланган.

 

Мазкур ҳолат юзасидан 11.04.2019 йилда Яшнобод туман прокуратураси томонидан вояга етмаган К.Ш.га нисбатан Ўзбекистон Республикаси Жиноят кодексининг 97-моддаси 1-қисми билан жиноят иши қўзғатилиб, жиноят иши ЖПКнинг 345-моддасига асосан тергов ҳаракатларини давом эттиришлик учун Тошкент шаҳар ИИББ ҲТБга юборилган.

 

Ҳозирда дастлабки тергов ҳаракатлари олиб борилмоқда. К.Ш. тегишли процессуал тартибда ушланган.

Коронавирус Covid-19 Ўзбекистонда
Юқтирганлар624(+42)
Соғайганлар42(+4)
Вафот этганлар3(+0)
Коронавирус Covid-19 Ўзбекистонда
Юқтирганлар624(+42)
Соғайганлар42(+4)
Вафот этганлар3(+0)
изоҳлар
Мавзу бўйича қизиқарли ва маъноли фикрлар қабул қилинади.
ПОХОЖИЕ ПУБЛИКАЦИИ
ГОРЯЧИЕ
ПОПУЛЯРНЫЕ
ИНТЕРЕСНЫЕ
СИЗДА ЯНГИЛИК БОРМИ? БИЗ БИЛАН БЎЛИШИНГ
ЯНГИЛИК ЮБОРИШ
ЯНГИЛИКЛАР ЛЕНТАCИ
ОММАВИЙ
ДОЛЗАРБ
ҚИЗИҚАРЛИ