Учрашув давомида ТИВ раҳбари элчини йилиқ кутиб олиб, Ўзбекистон ва Ўмон ўртасидаги муносабатларни мустаҳкамлаш борасидаги ишига муваффақият тилади.
Суҳбат давомида ўтган йилнинг сентябрь ойида Маскат шаҳрида мамлакатимиз элчихонаси очилиши Ўзбекистон – Ўмон мулоқотига тизимлилик ва ўсувчанлик тусини бериш имконини яратишига ишонч билдирилди, дея қайд этган ТИВ матбуот хизмати.
Учрашувда сиёсий, савдо-иқтисодий, инвестицион, маданий-гуманитар ва бошқа жабҳалардаги ҳамкорликнинг истиқболлари ҳамда 2019 йилдаги қўшма тадбирларнинг жадвали ва кун тартиби борасида фикр алмашилган.
Элчи Ўзбекистон ТИВ раҳбарига ишонч ёрлиқлари нусхаларини топширди.