Футбол клуби матбуот хизматининг хабар беришича, Вадим Абрамов футболчиларга ўтган ҳафта таништирилган.
Эслатиб ўтамиз, Миржалол Қосимов жамоани тарк этиб ОКМКга раҳбарлик қилганида, жамоага вақтинчалик бош мураббий этиб Шуҳрат Мақсудов тайинланган эди.
Вадим Карленович мураббийлик фаолиятини Фарғонанинг «Нефтчи» жамоасида бош мураббий ёрдамчиси сифатида бошлаган. Бундан кейин эса «Трактор», «Локомотив» ва «Астана» ФК жамоаларида мураббий бўлиб ишлаган. Шунингдек, у Ўзбекистоннинг футбол бўйича миллий ва ёшлар терма жамоаларини бошқарган.
Эслатиб ўтамиз, 2017 йилнинг декабрь ойида Вадим Абрамовдан мураббийлик лицензияси олиб қўйилиб, ўтган йилнинг июнь ойида қайтарилган.