«Ўзбекистон темир йўллари» матбуот хизматининг хабар беришича, «Анҳор-Локомотив» боғи ҳудудидаги янги аттракционнинг очилиш маросими жорий йилнинг 22 декабрь куни соат 17:00да бўлиб ўтади.
Энг юқори нуқтаси 72 метр бўлган ушбу аттракцион 48 та ёпиқ турдаги кабинадан иборат (8 таси VIP). Буларнинг ҳар бири ажойиб чироқлар ва ўзига хос байрамона иллюминация билан безатилган бўлиб, пойтахт манзарасини юқоридан томоша қилишга барча шароитлар яратилди. Бир вақтнинг ўзида 272 кишига хизмат кўрсатишга мўлжалланган чархпалакнинг тўла айланиши 12 дақиқани ташкил этади, дейилади хабарда.