Ўзбекистон ТИВнинг хабарида таъкидланишича, 16 декабрь куни маҳаллий вақт билан соат 20:30да Саппоро шаҳридаги (Хоккайдо префектураси) кафелар ва кўчмас мулк агентликлари жойлашган тижорат биносида портлаш юз берган.
17 декабрь тонги ҳолатига кўра 42 кишининг турли даражадаги жароҳатлар олгани ҳақида хабар берилмоқда.
«Ўзбекистоннинг Япониядаги элчихонаси Консуллик бўлими Хоккайдо префектурасида яшовчи ватандошлар билан боғланди.
Жароҳатланган Ўзбекистон фуқаролари тўғрисида маълумот келиб тушмади», – дейилади хабарда.