Ўзбекистон Республикаси Жиноят кодексининг 168-моддаси билан айбланган, 1987 йилда туғилган М.М. ҳамда 1992 йилда туғилган Н.К. олдиндан ўзаро жиноий тил бириктириб Тошкентдаги 1-Шаҳар клиник касалхонаси олдида киракашлик билан шуғулланадиган Ж.А.га зудлик билан Юнусобод туманига “Тропикамид” номли дори воситасини етказиш кералигини айтишади.
Ж.А.нинг дори воситасини аниқ олиб бориши учун ундан кафолат сифатида 50 минг сўм пулини олиб қолишади. Хизмат ҳақи ва 50 минг сўм пулларни етказилган манзилдан олишига ишонган “киракашга” ўзларининг яна бир жиноиий шериклари Н.М.нинг телефон рақамини бериб, ҳаттоки уларни ўзаро телефон орқали суҳбатлаштиришади ҳам.
Бу хийлага ишонган, киракашлик қилаётган Ж.А. воқеа жойига бориб, берилган ва бироз аввал ўзи қўнғироқ қилган рақам билан мутлоқо боғлана олмаганидан сўнг, алданганини билади.