Россиянинг қатор корхоналари билан Ташқи меҳнат миграцияси агентлиги ўртасидаги келишувга кўра, ўзбекистонликлар қурилиш, қишлоқ хўжалиги, балиқ ва парранда гўштини қайта ишлаш соҳаларида ишлашлари мумкин, дея хабар бермоқда агентлик Матбуот хизмати.
Ишлаш истагида бўлганлар 18-50 ёш орасида бўлиши, рус тилини бошланғич даражада билиши, юқорида кўрсатилган соҳаларда иш тажрибасига эга бўлишлари, Россияга киришига тақиқ бўлмаслиги шарт. Уларга авиачипта тўлаб берилади. Аммо ПЗР-тести фуқаро ҳисобидан амалга оширилади.
Ташқи меҳнат миграцияси агентлиги хабарига кўра, Россияда ишга расмийлаштириш кафолатланади ва иш ҳақи 35 минг рублдан (тақрибан 5 млн сўм) бошланади. Бунда, патент расмийлаштириш ва овқатланиш харажатлари фуқаро ҳисобидан тўланади.
Номзодлар агентлик билан боғланиши ёки ушбу сўровнома орқали рўйхатдан ўтишлари талаб қилинади.
